Höfundur hefur þrívegis fylgst með þvergöngu HAT-P-32 b, fyrst 17. nóvember 2017 (myndir 2a-b), 7. desember 2020 (myndir 3a-b) og 6. janúar 2021 (myndir4a-b).
Myndir 2a, 3a og 4a sýna mæld birtugildi á meðan þvergöngum stóð, og myndir 2b, 3b og 4b skinhlutfallið, þ. e. hve mikið fjarreikistjarnan skyggði á móðurstjörnuna í þvergöngu, samkvæmt mælingunum. Með reiknitóli TRESCA þá draga niðurstöðurnar 17. nóvember 2017 upp reikistjörnu með ~9% stærri geisla og 2,5% meiri brautarhalla en viðurkennt gildi. Niðurstöðurnar þann 7. desember 2020 var sú að þá mældist geisli ~12% stærri en viðurkennt gildi og 0,5% minni brautarhalla. Niðurstöðurnar þann 6. janúar 2021 var sú að þá mældist geisli ~5% minni geisli en viðurkennt gildi og 0,7% minni brautarhalla. Myndirnar voru fengnar á vefsvæði TRESCA og aðlagaðar að þessari síðu.